தமிழகத்தில் பிறந்து, ஐரோப்பிய நாடுகளை கடந்த ஓர் இசைக் குரல்

தமிழகத்தில் பிறந்து, ஐரோப்பிய நாடுகளை கடந்த ஓர் இசைக் குரல்

தமிழ்நாட்டின் தர்மபுரியை சேர்ந்த இளம் இசையமைப்பாளர் கவின் பிரகாஷ், 2022-ல் தமிழில் எழுதப்பட்டு ஆங்கிலத்தில் வெளியான தனது சுயாதீன பாடல் "The Girl" மூலம், பெண் சிசுக்கொலை என்ற தீவிரமான சமூகச்சிக்கலை நேர்மையாக வெளிப்படுத்தியுள்ளார். இவர் எழுதி, இசையமைத்து, பாடிய இந்தப் பாடல், தற்போது உலகளவில் 120 மில்லியனுக்கும் மேற்பட்ட பார்வைகள் பெற்றுள்ளது.
இப்பாடலில் இடம்பெற்ற சில உணர்ச்சி மிகுந்த வரிகள்:

"பெண் சிசுவை அளித்து கொலைகள் செய்து நீயும் பாவத்தினை சுமப்பாய் சுமை என்று நினைக்காமல் பெண் சிசுவை வளர்த்தால் உலகில் ஏற்படும் புதுவிதம் முன்னேற்றம்..."

ஐரோப்பிய நாடுகளில் இந்தப் பாடலுக்கு பெரும் வரவேற்பு இருந்தாலும், தமிழ்நாட்டில் இது போதிய அங்கீகாரம் பெறவில்லை என்பதே கவலையளிக்கிறது. பெண்களை வளர்ப்பது என்பது ஒவ்வொருவரின் சமூகப் பொறுப்பாக இருக்க வேண்டும் என்பதை இப்பாடல் வலியுறுத்துகிறது.
"நான் வைரலாக வேண்டுமென்று பாடவில்லை. உணர்வுகளைச் சொல்லவே பாடினேன். ஆனால் உலகம் அதை கேட்டது" - கவின் 1.

இது போன்ற சமூகக் கருத்து கொண்ட பாடல்களை தமிழக அரசு மற்றும் இந்திய இசை அமைப்புகள் ஆதரிக்க வேண்டிய தருணம் இது என இசை ரசிகர்கள் வலியுறுத்துகின்றனர்.